धाराशिव/तेरणेचा छावा:- शहरातील रखडलेली मुख्य विकास कामे करुन शहराच्या सौंदर्यात भर टाकता यावी. त्यासाठी मुख्यमंत्री एकनाथ शिंदे, पालकमंत्री प्रा डॉ तानाजीराव सावंत यांनी तातडीने १४ कोटी रुपयांचा विशेष निधी उपलब्ध करुन दिला असल्याची माहिती शिवसेना (बाळासाहेब) चे जिल्हाप्रमुख सुरज साळुंके यांनी दिली आहे.
धाराशिव शहरातील उद्यान विकसीत करणे, आठवडे बाजार विकसीत करणे व नवीन सिमेंट कॉक्रिट रस्ते आदी विकास कामे करण्यासाठी जिल्हाप्रमुख सुरज साळुंके यांनी सातत्याने प्रयत्न केले होते.
वैशिष्टयपुर्ण योजने अतंर्गत शहरातील आठवडी बाजार येथे भाजी मार्केट व मटन मार्केट विकसित करण्यासाठी ५ कोटी रुपये तर साळुंके नगर येथे ओपन स्पेसमध्ये कंपाऊंड वॉल व गार्डन विकसीत करण्यासाठी ३ कोटी रुपये तसेच
पोलीस लाईन येथील कालिका माता मंदीरासमोर ओपन स्पेसमध्ये कंपाऊंड वॉल व गार्डन विकसीत करण्यासाठी २ कोटी रुपये तसेच वैराग रोड येथील गार्डन विकसीत करण्यासाठी १ कोटी रुपये तर
राम नगर येथे ठोंबरे यांच्या घरासमोर ओपन स्पेसमध्ये कंपाऊंड वॉल व गार्डन विकसीत करण्यासाठी १ कोटी रुपये तसेच विशेष रस्ता अनुदान योजनेतून योजनेतून नगरपरिषद अंतर्गत नगर परिषदेअंतर्गत नवीन सिमेंट काँक्रीट रस्ते बनविण्यासाठी २ कोटी रुपये असा एकूण १४ कोटी रुपयांचा निधी मंजूर करण्यात आला असल्याचे साळुंके यांनी सांगितले
0 Comments