संदीप शेळके यांच्या हस्ते होणार व्हॉइस ऑफ मीडिया साप्ताहिक विंगच्या अधिवेशनाचे उदघाटन

शेळके यांच्यावर राज्यभरातून अभिनंदन-शुभेच्छांचा वर्षाव, महाराष्ट्रभरातील संपादकांचे अधिवेशन गाजणार

छत्रपती संभाजीनगर/तेरणेचा छावा:- : राज्यातील साप्ताहिकांचे मालक, संपादक आणि पत्रकारांचे राज्यव्यापी अधिवेशन रविवार, १८ जून रोजी छत्रपती संभाजी नगरात होणार आहे. राजर्षी शाहू परिवाराचे अध्यक्ष संदीपदादा शेळके यांच्या हस्ते या भव्यदिव्य अधिवेशनाचे उदघाटन होणार आहे. व्हॉइस ऑफ मीडियाचे संस्थापक अध्यक्ष संदीप काळे, व्हॉइस ऑफ मीडियाचे प्रदेशाध्यक्ष अनिल म्हस्के यांनी संदीपदादा शेळके यांचे अभिनंदन केले आहे. राज्यभरातून देखिल त्यांच्यावर अभिनंदनासह शुभेच्छांचा वर्षाव सुरू आहे.  

छत्रपती संभाजीनगरातील एमजीएम ट्रस्टमधील विनोबा भावे हॉलमध्ये हे एक दिवसीय राज्यस्तरावरील अधिवेशन नियोजित आहे. वेगवेगळ्या सत्रांमध्ये हे अधिवेशन होणार आहे. पहिल्या सत्रात संदीपदादा शेळके यांच्या हस्ते अन् मान्यवरांच्या उपस्थितीत अधिवेशनाचे थाटात उद‌्घाटन करण्यात येणार आहे. त्यानंतर साप्ताहिक विंगमधील पदाधिकाऱ्यांना नियुक्ती पत्राचे वाटप करण्यात येणार आहे. राज्यातील विविध जिल्ह्यातील कामांचा आढावा यावेळी सादर करण्यात येणार आहे. त्यानंतर विविध विषयांवर ठराव पारित करण्यात येतील. साप्ताहिकांच्या मालक, संपादक, पत्रकारांना अधिवेशनादरम्यान विमा कवच प्रमाणपत्राचे वितरण करण्यात येणार आहे. अधिवेशनाच्या यशस्वीतेसाठी साप्ताहिक विंगची संपूर्ण राज्य कार्यकारिणी कामाला लागली आहे. भव्यदिव्य अशा स्वरुपाचे अधिवेशन व्हावे, यासाठी साप्ताहिक विंगची पूर्ण कार्यकारिणी कामाला लागली आहे. महाराष्ट्रभरातील संपादकांचे अधिवेशन गाजणार आहे.

व्हॉइस ऑफ मीडिया ही पत्रकारांची अत्यंत सकारात्मक संघटना आहे. या संघटनेचे अल्पावधीतच देशभरात जाळे विणले गेले. राज्यातही या संघटनेचा सर्वाधिक बोलबाला आहे. या संघटनेचे थेट कृती कार्यक्रम विशेष भावतात. छत्रपती संभाजीनगर येथे होणाऱ्या संपादकांच्या अधिवेशनाला मला उदघाटक म्हणून आमंत्रित करुन माझा सन्मान वाढविल्याची बाब कायम आठवणीत राहणार आहे.

-संदीप शेळके, अध्यक्ष राजर्षी शाहू पतसंस्था

राजर्षी शाहू परिवाराच्या माध्यमातून संदीप शेळके यांनी राज्य अन् राष्ट्रीय पातळीवरही नावलौकिक मिळविला आहे. उद्योग, सहकार, शिक्षण आदी क्षेत्राच्या माध्यमातून त्यांनी लोककल्याण साधले आहे.  सकारात्मक अन् उर्जावान व्यक्तिमत्त्व म्हणून संदीप शेळके यांची ओळख आहे. अशा कर्तृत्त्ववान व्यक्तिमत्त्वाच्या हस्ते व्हॉइस ऑफ मीडिया साप्ताहिक विंगचे अधिवेशनाचे उदघाटन होणार आहे. त्याबद्दल त्यांचे मन:पूर्वक अभिनंदन. त्यांच्या कर्तृत्त्वाचा अभिमान आहे. आनंद आहे.

-विनोद बोरे, प्रदेशाध्यक्ष, व्हॉइस ऑफ मीडिया, साप्ताहिक विंग