2 लाख 46 हजार 80 रुपये किमतीचा अवैद्य मध्य साठा जप्त. सहाय्यक पोलीस अधीक्षक एम रमेश यांची बेधडक कारवाई.

 उस्मानाबद/ तेरणेचा छावा:-

     मा. पोलीस अधीक्षक श्री. अतुल कुलकर्णी यांनी अवैध व्यवसायांवर कारवाई करण्याचे निर्देश दिले असल्याने कळंब उपविभागाचे सहायक पोलीस अधीक्षक .एम. रमेश यांच्या मार्गदर्शनाखाली कळंब उपविभागात कारवाया केल्या जात आहेत. मोहिमे दरम्यान ढोकी पोलीसांना माहिती मिळाली की, तेर येथील रविंद्र जालींदर राउत यांच्या घरात अवैध मद्याचा साठा आहे. यावर ढोकी पो.ठा. चे सपोनि- श्री. जगदीश राउत यांसह पोलीस अंमलदार- क्षिरसागर, तरटे, साखरे, मोरे, तुरेवाले यांच्या पथकाने गुरुवार दि. 7 जुलै रोजी सकाळी रविंद्र राउत यांच्या घरी छापा टाकला. यावेळी फक्त महाराष्ट्र व फक्त गोवा राज्यात विक्रीस असलेल्या विदेशी मद्याच्या 180 मि.ली. च्या एकुण 1,278 बाटल्या, 90 मि.ली. च्या विदेशी मद्याच्या 20 बाटल्या, 2 लिटरच्या 7 बाटल्या तर देशी दारु 180 मि.ली. च्या 130 बाटल्या असा एकुण 2,46,080 ₹ किंमतीचा माल जप्त केला आहे. या प्रकरणी ढोकी पोलीस ठाण्यात महाराष्ट्र मद्य मनाई अधिनियम अंतर्गत गुन्हा नोंदवण्यात आला आहे.  

    कळंब पोलीस उपविभागीय अधिकारी एम. रमेश रुजू झाल्यापासून अनेक वैद्य धंद्यावर बेधडक कारवाई करून गुन्हेगारांना जेरबंद करीत आहेत. त्यामुळे अवैध धंदे चालकात भीतीचे वातावरण निर्माण झालेले अवैद्य धंदे चालकांना सळो की पळो करून सोडलेले असल्याचे   नागरिकातून बोलले जात आहे.