सक्षणा सलगर यांना धमकीचा फोन करणाऱ्यांवर कठोर कारवाई करण्याची राष्ट्रवादी काँग्रेसची मागणी.

उस्मानाबाद/तेरणेचा छावा:-

 युवती प्रदेशाध्यक्ष कु.सक्षणा सलगर यांना धमकीचा फोन करणाऱ्या विरुद्ध कठोर कारवाईची जिल्हा राष्ट्रवादी काँग्रेसची मागणी.

या निवेदनामध्ये उस्मानाबाद जिल्हा परिषदेच्या सदस्या तथा राष्ट्रवादी काँग्रेस युवती प्रदेशाध्यक्षा कुमारी सक्षणा ताई सलगर यांना काही गावगुंडांनी शनिवारी दिनांक 3 जुलै रोजी संध्याकाळी 06 वाजून 14 मिनिटांनी फोनवर अर्वाच्च भाषेत शिवीगाळ करून धमकी दिलेली आहे. सदरील व्यक्तींनी गोपीचंद पडळकर यांचे कार्यकर्ते आहोत असाही उल्लेख केला आहे. एका महिला, मुलींना अपमानास्पद व लज्जास्पद भाषेत बोलणे हा गुन्हा असून सदर व्यक्ती विरोधात कठोर कार्यवाही करून एक चांगला सामाजिक पायंडा घालावा. कुमारी सक्षणा ताई सलगर या राष्ट्रवादी काँग्रेस पक्षाच्या युवती प्रदेशाध्यक्ष असल्याने त्या महाराष्ट्रभर दौरा करत असून संदर्भीय धमकीच्या अनुषंगाने त्यांना पोलीस संरक्षण देण्यात यावे असे म्हटले आहे.

      कु.सक्षणा सलगर यांनी घेतलेल्या गोपीचंद पडळकर यांच्या समाचाराच्या पार्श्वभूमीवर एका माथेफिरु तरुणाने कु.सलगर यांना कॉल करून अर्वाची भाषा वापरत "मी गोपीचंद पडळकर यांचा कार्यकर्ता असून तु त्यांच्यावर परत टीका करू नको, नाहीतर तुला जिवंत गाडीन" अशी धमकी दिली. 

          सदर युवकाने वापरलेली भाषा ही लांच्छनास्पद असून. महिला किंवा तरुणीवर असे वक्तव्य करणारी ही घटना महाराष्ट्राच्या संस्कृतीला छेद देणारी आहे. तरी सदर माथेफिरू तरुणावर कठोर कार्यवाही करून एक चांगला पायंडा घालावा असे निवेदन राष्ट्रवादी काँग्रेस पक्षाचे जिल्हाध्यक्ष प्रा.सुरेश दाजी बिराजदार यांनी जिल्हा पोलीस अधीक्षक राजतीलक रौशन यांना दिले.

             प्रसंगी राष्ट्रवादी काँग्रेसचे विधानसाभा अध्यक्ष अमित भैया शिंदे, जिल्हा उपाध्यक्ष वाजिद पठाण, शहराध्यक्ष आयाज शेख,तालुका कार्याध्यक्ष नानासाहेब जमदाडे, नगरसेवक गणेश खोचरे,महेश नलावडे,प्रदेश युवक राष्ट्रवादीचे प्रशांत कवडे, वक्ता सेलचे प्रदेउपाध्यक्ष प्रा.तुषार वाघमारे,अमोल पाटील,रणजीत दांगट,धीरज घुटे,अभिजित जगताप, इत्यादी मान्यवर उपस्थित होते.