फसवणूक करणाऱ्या उपविभागीय अधिकारी डॉ योगेश खरमाटे यांच्यावर गुन्हा दाखल.

तलाठी व पोलीस पाटील गजाआड तर  खरमाटे यांना कधी होणार जेलवारी? 

धाराशिव/तेरणेचा छावा:-

पोलीस पाटील पदाला मुदतवाढ देण्यासाठी बनावट आधार कार्ड व दस्ताऐवज तयार करून शासनाची फसवणूक केली. त्यामुळे उपविभागीय अधिकारी योगेश खरमाटे यांच्यावर शासनाची फसवणूक केल्या प्रकरणी भा.द.वि.सं. कलम 420, 468, 471, 120 (ब) नुसार गुन्हा दाखल करण्यात आला आहे.

       डॉ.योगेश खरमाटे, उपविभागीय अधिकारी उपविभाग कार्यालय धाराशिव, एच.एस कुदळे, मंडळ अधिकारी अंबेजवळगा, जी. आर. शिंदे, तलाठी सज्जा शिंगोली,  चंद्रकांत पाटील पोलीस पाटील रा. शिंगोली ता. जि. धाराशिव यांनी दि. 14.02.2023 रोजी ते दि. 17.01.2024 रोजी पावेतो उपविभागीय अधिकारी कार्यालय धाराशिव येथे फिर्यादी गणेश शिवाजी जाधव, वय 33 वर्षे, रा. बरमगाव (बु) ता. जि. धाराशिव  यांच्या नावाचे बनावट दस्तऐवज तयार करुन, बनावट शपथ पत्र बनवून, त्यावर फिर्यादीचे बनावट स्वाक्षरी करुन फिर्यादीने तक्रार मागे घेतल्या बाबतचा खोटा जबाब तयार करुन  पोलीस पाटील पदाला मुदतवाढ देण्यास योग्य असल्याचा अहवाल तहसिलदारांनी सुनावणी घेतल्यांनतर  तहसिलदारांना आधार कार्डमध्ये व स्वाक्षरीमध्ये तफावत दिसून आल्याचा अहवाल सादर केला.  उपविभागीय अधिकारी यांनी अहवाल सादर केल्यानंतर त्यांनी संबंधित व्यक्तीवर तक्रार देणे किंवा तक्रार देण्यास प्राधिकृत करणे योग्य असतानाही नमुद आरोपी यांना पठीशी घालून व त्याचेशी संगणमत करुन मजकुराच्या फिर्यादी नामे- गणेश जाधव यांनी दि.26.05.2024 रोजी दिलेल्या तक्रारीवरून आनंदनगर पोलीस ठाण्यात भा.द.वि.सं. कलम 420, 468, 471, 120(ब)  अन्वये गुन्हा नोंदवला आहे.. या प्रकरणात पोलीस पाटील सध्याचे तलाठी यांना अटक झाली आहे तर उपविभागीय अधिकारी डॉ.योगेश खरमाटे यांना कधी अटक होणार की या प्रकरणात तलाठी व पोलीस पाटील यांचाच बळी दिला जाणार असा प्रश्न सुज्ञ नागरिकांतून विचारला जात आहे